Хамтарч ажиллах тухай
Хууль зүйн Үндэсний хүрээлэнгийн Иргэн, эдийн засгийн эрх зүйн сектор нь “Зар сурталчилгаа ба гэм хор” сэдвээр судалгаа хийж эхлээд байна. Энэхүү судалгааны нэг чухал зорилт нь зар сурталчилгааны эрх зүйн орчинг сайжруулах, ялангуяа зар түгээгчдийн үйл ажиллагаанд тавих хуулийн хяналтын үр дүнг сайжруулах талаар тодорхой санал боловсруулах явдал юм. Зар сурталчилгааны хяналтын тодорхойгүй байдал нь нийгэмд гарч буй сөрөг явдлын шалтгаан, нөхцөл болж байгааг зарим судалгаа харуулж эхлээд байна.
Мөн түүнчлэн зар сурталчилгаанаас болж иргэн, хуулийн этгээдэд учирсан гэм хорын шалтгаант холбоо, түүнийг нөхөн төлөх хууль зүйн үндэслэлийг олж тогтоох, шүүхийн практикт гарсан шүүхийн шийдвэрүүдийг харьцуулан судлах зэрэг ажлуудыг хийхээр төлөвлөөд байна.
Хууль бус зар сурталчилгаанд тавих хяналтын үр нөлөөг дээшлүүлэх нь хүний эрх, эрх чөлөөг хамгаалахад чухал нөлөө үзүүлнэ гэдэгтэй Та бүгдийг санал нийлнэ гэдэгт эргэлзэхгүй байна. Иймд уг судалгаанд санхүүгийн дэмжлэг үзүүлж хамтран ажиллана гэдэгт найдаж байна.
Жич: Уг асуудалтай холбоотой лавлах зүйл байвал 99086102, 99194710 дугаарт хандах буюу tamir_0318@yahoo.com , obod1130@yahoo.com хаягаар захидал илгээнэ үү.