Бүгдийг орхи. Эхний байрандаа эргэж очих хэрэггүй. шааригдах хэрэггүй зүгээр л урагшаа яваад бай. Зэрлэгээр сэтгэж, чалчиж найзуудынхаа дургүй хүргэж, ад үзэгдэж, хөөгдөж, эрүүгээ цууртал цохиулж, элэгдэж хорогдож, сурч, гэгээрч, нүүж, сууж гүйсээр энэ сарыг үдэж байна даа.
Хэл сураагүйн зовлон гэдэг нэг юманд чадуулаад сууж байна. Урд боломж байгаа болохоор энэ долоо хоногоос хуулийн англи хэлний сургалтанд сууж эхлэв. Чан чан чан гээд товчхондоо гэгээрлийн хажуугаар салалтын сар байлаа... найз нөхдөөсөө хөндийрсөн, үзэн ядагдсан...
Хов жив гэдэг хүнийг алдаг гэдэг юутай үнэн ажгуу. Мөрөөрөө хийх юмаа хийгээд "хувиараа, ганцаараа" зорилгынхоо төлөө явлаа. Хэсэгхэн хугацааг шаал дэмий алдаж, шаал дэмий үрж "нийтийн хүн" гэсэн тэнэг бодолд хөөрцөглөж, "сайн үйлс хийж байна ","хүнд тусалж байна", найз нөхөддөө тусалж байна" гэж онгирч сагсуурч өөрийгөө хуурч явж ... Энэ бүхний дараа бүх юм утгагүй болов доо. Орхи орхи бүгдийг орхи. Алдаа гэдэг угтаа шинэ боломжийн эхлэл болохоор амьдарлыг үзэх үзлээ өөрчлөх хэрэгтэй юм шиг байна.
Бонус:Ажлынхаа эмэгтэйчүүдийг заримдаа тараад эсвэл ажилдаа ирж явахад би цүнхийг шүүрч айлгадаг юм л даа. Гэтэл саяхан яавдаа... Манай ажлын номын санч эмэгтэй явж байхад нь айлгах санаатай цүнхийг шүүрч зугтав. Гэтэл биш байж.. Уучлаарай эгччээ гэхийн зууртгүй нөгөө хүүхэн орилж яасан ч ойрхон байсан юм 2 цагдаа гүйн ирж, даран унагаж гавлан, шороо тоостой хутгаж ёстой амьтан болгов. Сүүлдээ учраа хэлж салах гэж байцаагдсан гээд бод доо. Тоглоом тоотой нь дээр гэдэг дээ. Гэхдээ л би хаширдаггүй л хүндээ. Одоо шүүрэх гэж байхдаа танидаг хүн мөн үү биш үү гэж өлийж хардаг болоод байна ...