Өөртөө байгаа нэг тархи ашиглахдаа хоёр хуваах хэрэгтэй юм байна... Судалгаа шинжилгээний хувьд шүү.
Өчигдөр хийж байгаа судалгааны ажлаа хэлэлцүүлэв. Дэмжигдэж гоц санал аваагүй ч гэсэн чамгүй банга хүртээн хийсэн ажлыг тооцсонгүй. Энх цагт хөлс их гарвал дайны цагт цус бага урсдаг гэдэг үгийг цээжиндээ бодон бодон үл давтан өгүүлэх нь : Академик судалгаа, Бодлогын судалгаа хоёрын дунд хэрхэн хавчуулагдахгүй байх талаар өөрийн саналыг дуулгая...
Харин бодлогын судалгаа хийж байгаа тохиолдолд судлан буй асуудал аль салбарт хамаарах, онол юу болох, манай салбарт хэн гэдэг эрдэмтэн байдаг, юу гэж боддог, мэддэг, чаддаг нь огт хамаагүй бөгөөд судлаач та өөрөө тэднээс зөвшөөрөл авах шаардлагагүйгээр тулгамдсан асуудлын мөн чанарыг тодорхойлж, шийдэхэд гол чанар нь оршино. Нийтэд чиглэсэн зүйл хийж байгаа болохоор хараал идсэн тэр шинжлэх ухаан огт хамаагүй түүнийгээ түр хойш тавиад бодит байдалд анхаарлаа хандуул. Хэрэгтэй зүйл хий, Үр дүн нь гарч байх ёстой. Үнэхээр болохгүй зүйл гарвал шүүмжил, гарц хай... Бодлогын судалгаа гэдэг бол энэ.
Ийм болохоор сохрын газар сохор доголонгийн газар доголон явахгүй юм бол хоолой дээрээ заазуур тавиулах нь энүүхэнд гэж мэд...Хүссэн хүсээгүй чи нэг салбарт зүтгэж тэрүүгээрээ хоолоо олж идэх болохоор бие хоёр хуваагаад тавьчихлаа хэмээн төсөөл.
Живэр живэр жавир жавир гэж урдуур орлоо гэх , цор цор гэж дуугарах болоогүй байхад дуугарлаа гэх томчууд гал унтраагчийн хэмжээнд байдаг. Дэмжсэнгүй тээд зүтгэхийн оронд сэтгэлээр унахгүй байж толгой өөдрөг явах хэрэгтэй гэж үзэв.
Элдэв зүйлд дэс дараалалтай хандаж шинжлэх ухаанчаар зүтгэх нэг тархи байхад элдэв зүйлийг эмх замбараагүй этгээд өнцгөөс бодож, цэгнэж галзуу мэт хандаж байх бас нэг тархи хэрэгтэй юм байна. Хэрэв ингэхгүй бол бол би зэврэнэ, гандана, гундана.
Омбдоо