бичлэгГудамж талбай, барилга байгууламжид ХБИ-д зориулсан гарц, тэмдэглэгээ, дэд бүтэц хийгдэж байгаа боловч хийж байгаа нөхөд нь тийм зүйл зориулж байгаагаа огт мэдэхгүй байдаг. Явган хүний засмал замын гол хэсгээр урт нарийхан параллел зураастай хэсэг бол ХБИ-д зориулсан тэмдэглэгээ. Хараагүй иргэд таягаараа явах зориулалттай юм л даа. Хийж байгаа улс нь мэдэхгүйн /эсвэл ямар учиртай гэдгийг захиалагч хэлж өгөөгүй/ харгайгаар хэд алхаад л тасарсан нэг бол мурий хазгай хийсэн байх жишээтэй. Бас 00-д хананд байдаг төмөр хоёр бариул бол мөн л ХБИ-дэд зориулсан зүйл. Харин хийсэн улс мөн л дээр доор мурий хазгай байрлуулсан байх.
Хэлэх гээд байгаа гол санаа маань юу гэхээр зэрэг хөгжлийн бэрхшээлтэй иргэдэд зориулсан хууль, журам заавар, дэд бүтэц ХБИ-дээс гадна та бидэнд бүгдэд зориулагдсан гэдгийг санаж явууштай юм. Хэн ч гэсэн амьдарлыхаа туршид богино, урт удаан хугацааны туршид хөгжлийн бэрхшээлтэй болдог, элдэв тоног төхөөрөмж, дэмжих хэрэгсэл, гарц, тэмдэглэгээтэй харьцах шаардлагатай гэдгээ ухамсарлах хэрэгтэй. ХБИ тусдаа хүмүүс биш.
Бонус: "Норжин" гэх нэртэй манай гэртэй ойр дэлгүүрийн ХБИ-д зориулсан шат аймаар. / ийм градус налуу байвал яах уу. Тэр нь шууд л гол замтай холбогдчихсон. Машинд мөргүүл гэж байгаа юм байна л даа. Хийсэн улс нь юу бодож байсан болоо.
