обдоо

1872 оны онд дааатгалын ажилтны гэрт төрсөн George Smith нь “The Brides In The Bath Murderer” гэсэн нэрээр гэмт хэргийн ертөнцөд шуугиан тарьж байв. Тэрбээр бага наснаасаа хулгай дээрмийн гэмт хэрэг үйлдэж хүүхдийн колонид хүргэгдсэнээр гэмт хэргийн жигшүүрт зам руу эргэлт буцалтгүйгээр орсон байна. Түүний энэхүү гутамшигт амьдрал нь олон эмэгтэйн амийг егүүтгэсэн хэргээр төгсгөл болсон байна.

Смитийг шүүх хурал дэлхийн нэгдүгээр дайны үед болсон ч тухайн үеийн сонин хэвлэлүүдээр түүний үйлдсэн хэргийн тухай мэдээлэл жигшүүл төрүүлж, олны анхаарлыг ихээхэн татаж байв. 

Ваннтай усанд живж нас барсан эхрэнүүдийн тухай мэдээлэл ажигч гярхай мөрдөгчийн анхааралд өртөх хүртэл жирийн нэгэн золгүй учралд тооцогдож байлаа. Энэ бүх золгүй учралуудын цаана Смитийн урьдаас төлөвлөгдсөн нууц аллагууд байв.

Гэмт хэргийн анхны хохирогч нь 32 настай Бесси Манди байжээ.Смит тухайн үедээ Генри Уилльямс нэрээр эмэгтэй толгойг эргүүлж, гэрлэж дөнгөжээ. Тэрыээр үүний урьд албан ёсооор нэг удаа гэр бүл болж бүтэлгүйтэж байсан банйа. Хэрн Бэрн нэртэй хотод шинэ амьдрал төвхнөж гэрийнх тавилга нь нэгэн ширмэн ваннар нэмэгджээ. Маргааш нь тэрээр эхнэрийнхээ хамт хэсгийн эмч дээрээ очихдоо – “Эмчээ миний эхнэр татаж унадаг өвчтэй юмаа. Та нэг зөвлөгөө өгөхгүй юу? Гэхдээ өөрт нь хэлбэл цочролд орох учраас хэлээгүй нь дээр” гэжээ. Эхнэр эмчид зөвхөн толгой нь өвддөг тухай хэлж. 1912 оны 7 сарын нэгэн өдөр нөхөр хэсгийн эмчийг яааралтай дууджээ. Эмч ирэхэд эхнэр нь ваннатай усандаа живж нас барсан байлаа. Гэмт этгээдийн тавьсан урхинд ормон эмч  “Халуун усанд орсоноос даралт ихсэн , амьсгалын замын дутагдалаас усанд унаж нас барсан” гэсэн дүгнэлт гаргажээ. Ингээд Смит эхнэрийнхээ амь насны даатгал болох 2700 фунт авав. Тухайн үед жирийн нэг алба хаагчийн долоо хоногийн ажлын хөлс 1-2 фунт байв.

Мөнгийг авангуутаа Смит Хэрн Бэрнийг орхиж цаг алдалгүй дараагийн эмэгтэйг уургалан авав. 25 настай Элис Барнхэм өн түрүүчийн хохирогчийн нэгэн адил залууд хууртагдан, гэрлэлт нөгөө л болдгоороо болж урьдны явдал давтагдсан байна. Хуримаа хийсний дараагаар мөн л эхнэртэйгээ эмчид очин үзүүлж, үүний дараагаар 1913 оны 10 сарын 12-ны өдөр эхнэр нь ваннадаа живж нас барав. Даатгалд дуртай Смит эхнэрээ нас барсаны дараагаар 500 фунт авсан ба нас барсан дүгнэлт мөн л халуун устай ваннад орж байгаад зүрх хаагдаж ухаан алдан живсэн гэсэн утгатай гарчээ.

-       Ганцхан хором анхаарлаа хандуулна уу эрхэмээ та саяхан нас барсан Маргарет гэж хүний нөхөр мөн үү

-       Мөн

-       Тэгвэл 1912 онд нас барсан Элис Барнхэмийн нөхөр мөн үү

-       Би мэдэхгүй хэмээн хариулсанаар түүнийг баривчлав.

Англи маягийн туршлагатай мөрдөгч Артур Нейл гэгч түүний гэмт хэргийг талан зогсоож баривчилж чадсан байна. Тэрбээр Англид гарч байгаа хэвлэл мэдээллийг өдөр бүр уншдаг байж. Түүний анхаарлыг адил төстэй аргаар амиа алдаж байгаа нөхөрт гарсан залуу эмэгтэйчүүдийн үхэл яахын араггүй татаж, шалгаж эхэлжээ. Мөрдөн шалгалтын явцад гэмт этгээд буюу “халамжит нөхөр” нэг хүн болох нь батлагдаж Смитийг баривчлах ажиллагааг хийжээ. Түүнийг барих амархан байв. Харин гол нь олон жил гэмт хэрэг үйлдсэн туршлагатай этгээдийн гэмт үйлдэлийг нотлон тогтооно гэдэг бэрхшээл шаардаж байсан гэдэг. Мөрдөлтийн явцад нас барсан хүүхнүүдэд ямар хүч хэрэглэсэн гэх шинж гараагүй, задлан шинжилгээгээр ч тэр дотор эрхтэний гэхээр ямар гэмтэл байсангүй. Мөрдөн байцаалтын туршилтын явцад ванна дотор эмэгтэй хүнийг ямар нэгэн хүч хэрэглэхгүйгээр живүүлэх арга байхгүй байв. Олон удаа оролдож үзэх явцад мөрдөгч туршилтанд оролцож буй  сэлэгч эмэгтэй хөлнөөс татахад тэрбээр ухаан алдсан ба түүнийг сэргээх гэж 30 гаран минут зарцуулсан байна. Гэмт хэргийн нууцыг ийнхүү тайлав.

Алуурчин ямар нэгэн шалтгаан хэлэн эхнэрээ усанд оруулан тоглож байгаад алдаг байжээ. Энэ хэргийг нотлоход шинжээч, паталогич Бернард Спилсбери шинжлэх ухааны үүднээс тод томруун тайлбарласан нь хэргийг шийдвэрлэхэхд ихээхэн нөлөө үзүүлсэн юм. 1915 оны 6 дугаар сард болсон шүүх хурлаар түүнийг дүүжлэн хороох шийдвэр гарч удалгүй гүйцэтгэжээ.

Энэ гэмт хэргийн тухай Британийн Yorkshire ТВ-ийн жүжигчин Martin Kemp ба George Smith нарын хамтран тоглосон “The Brides in the Bath” (2003), Голливудад Karoline Leac-ийн зохиолоор жүжигчин  Maxwell Caulfield ба Amelia Campbell нарын хамтран тоглосон “Tryst” /2006/ кинонууд хийгджээ. Түүнчлэн Агати Кристи бааг зэргийн өөрчлөн найруулж “Филомелийн байшин” хэмээх зохиол бичжээ.