обдоо

Түрүү 7 хоногийн сүүлээр яарамагийн тэнд байдаг LOTUS  гээд асрамжийн газар орлоо. Уг нь дээрийн /та бүхэн уншиж байсан бол Хүүхдүүдээ хайрламаар байна гээд гарчигтай/ бичлэг дээр бичиж байсан Эмээлтэд байдаг 3 настай харж хандах хүнгүй охиноо энд болвол өгчих санаатай нилээн чармайсан боловч би жаахан хожимдчихож. 
Хэн нэгэн хамаатан  садан гэсэн этгээд ирээд аваад явсан бололтой. Настангийн ярьж байгаагаар бол өөрөө ус уух хоногийн тоо гүйцэж байгаа  учраас өөртөө дасгаад яахав гэж бодоод л ирсэн садандаа өгөөд явуулчихаж. Гэхдээ тэр авч явсан хүмүүс нь бол өөрсдийгөө ч арай чамай тэжээдэг, дээрээс нь эхнэр нь гээд эмэгтэй жирэмсэн гэнэ. Настан өөрөө  "Одоо тэгээд хүүхэд нь төрөхөөр хөөрхий муу охиныг минь ад үзээд эхлэх вий " гээд санаа зовж суугаа нь тун өрөвдэлтэй. Хаана байдаг эргээд хаанаас охиныг олж болох талаар лавлахад Баянхошуу гэснээс өөрөөр хэлж мэдэхгүй байгаа нь эрэл мухардуулчихлаа. Ядаж бага насан дээр нь зовлон их үүрүүлэлгүйгээр асрамжийн газар сайн хүмүүс дээр хүргээд хааяа настанг эргэж тойруулаад уулзуулаад  байя гэж бодсон санаа маань талаар болчихов. Гэхдээ бас хоосонгүй ээ настанд утасныхаа дугаарыг орхиод хэсгийн ахлагчтай ярьж охиныг эргэж ирвэл надруу утас цохиkрой гэж тохиролцож амжлаа. Эмээ ч өөрөө энд тэнд айл амьтан хэсүүлж байхаар гайгүйхэн шиг асрамжийн газар өгчих их л дуртай, таатай байлаа. Өвөл болохоос өмнө охиноо олж аваад та бүхэндээ хэлнээ тэр асрамжийнхаа газар байвал тэгээд бусад хүүхдүүд шиг байж чадах болов уу гээд л ...........
Эндээс би Оогий гээд нэг бүсгүйтэй хамт очсон юм. Өөрөө хүүхдийн төлөө тунчиг сэтгэлээрээ тодорхой туслалцаа дэмжлэг үзүүлж, бага ч гэсэн бодитой юм хүүхдүүд нэмэрлэчих юмсан гээд л ..... Хийж байгаа юмаа ажил хэргээрээ харуулдаг ийм хүмүүст би дуртай. 
Асрамжиийн газрын үүдээр ороход л цэвэр цэмцгэр , өө ярих юмгүй зохион байгууллалттай үнэхээр дулаан уур амьсгал бүрдсэн газар байв. Бага насны хүүхдийн тасгаар оров. За байз нэрийг нь гэдэг бил ээ мартчихаж. ".....ээжийн гэр" гэж нэрлдэг юм байна. Өөрөөр хэлбэл багш-ээж юм байна. Энэ ээж нь тэнд байгаа бага насны хүүхдүүдэд яг ээж шиг нь хандах бөгөөд цалин хөлс нь тийм өндөр биш ч гэсэн бүүр яармагт өнчин хүүхдүүдийн ээж болж, халамжилж байгаа нь ёстой сайхан. Хийж байгаа юманд сэтгэлээрээ ханддаг ийм хүмүүст би дуртай. 
Оронгуут л хөөрхөн хүүхдүүд баяр басйгалан гэрэл гэгээ цацруулсан гэнэн харцаар сониучирхан харж жаахан бишүүрхэнгүй байсан боловч ерөөсөө удалгүй хэзээний өвөр дээр гарчихсан эрхлээд ль энд тэндээс нэгэнтэйгээ барьцаад л . Одоо би өвөр дээр нь гарна гээд л ..... Эрэгтэй хүн энд ховор очдог бололтой юм. Янз нь хараад байхад хүүхдүүд эрэгтэй хүнийг өөрөөр хэлбэл аав ахыгаа үгүйлсэн сэтгэлээр хүлээдэг юм байна. Нэг мэдсэн миний аваачсан аппараат тэнд Бөдөө хүүгийн гарт, хөгжим нэг хүүгийн гарт, цүнх нэг хүүгийн гарт давхиж явна. Бөдөө гээд хүү, хатагтай Намуунаа гээд охин бид 3 бол аймаар найзууд болсийншдээ. 2 хон цагийн хугацаанд. Хараач нөхдөө аймаар хөөрхөн надад зориулж дуу дуулж өгсөн гээд бодчих. Ёстой эгдүүтэй. Намайг яван явтал миний өвөр дээрээс ерөөсөө буугаагүй ээлжлээд л эрхлээд байсан гээч..... Хүүхдүүдийн унтах цагаас лав нэг цагийг нь хомсолчихсон ш дээ. 
Энд нэг зүйл дурдахад асрамжийн газарт байгаа хүүхдүүдэд элдэв чихэр жимс аваачаад дэмий, хүүхдүүд юм хараад сурчихдаг... сүүлд нь энэ нь хүүхдүүдийг бэлэнчлэх сэтгэлгээнд хүргэдэг... гэж багш-ээж ярьж байсан.  Манайхан л болсон хойно нэг буяны ажил гарахаар л тэнд байгаа хүүхдүүдэд жигнэмэг чихэр аваачиж өгдөг бололтой юм. Тэгээд хүүхдүүд нь хүн ирэхээр юу өгөх нь вэ?  гэж хардаг гэнэ. Энд хүүхдүүдийн буруу гэж юу байхав. Том хүний буруу ш дээ. Ялангуяа манайхны нэг тийм сонин зан.  Хэдэн ном, тоглоом, хөөрхөн хүүхэлдэйн кино аваачаад үзүүчихсэн нь энэ хүүхдүүдэд хамаагүй нэмэртэй юм байна лээ. Асрамжийн газрын захирал нь гадаад хүн байдаг боловч манай улсаас ерөөсөө дэмжлэг авалгүй өөрөө бүх багшаа үйл ажиллагаагаа санхүүжүүлдэг гэнэ. Төрөөс хэзээ байтлаа л туслаад дэмжээд байдаг билээ. Эгэл даруу тийм нэгэн эмэгтэй байдаг гэнэ. Хүүхдүүдээ хүнд ерөөсөө өгдөггүй, аль болох том болтол нь өөрийг нь бие даалгаж өгсөх сонирхолтой. Зарим нь том болоод энэ асрах газрынхаа багш хийж байна. Ийм хүмүүст би дуртай....... /обод/