обдоо

Ялааны ч бил үү шумуулны ч бил үү дэвүүр байдаг байсан даа. Хар өнгийн хаймраар наагаад мөн ч их ялаа алдаг байсан паа. Тэгэхэд хятдаас аваад ирсэн цагаан дэвүүр бас их худалдаанд гардаг ч байж…..

За тэр ч яахав дэнгийн эрвээхэй шиг дэрвэлзээд дэргэдэх нөхрөө ч гомдоочих шиг боллоо. Арай л олон юмаар хүмүүсийг залхаагаад байгаа юм болов уу гэж санагдаад. Дэвүүр болчих вий дээ найз нөхөддөө …. Дэмий юм санаачлаад, өөрсөдөөс нь зөвшөөрөл ч авалгүй найзаа гэж зарлан тунхаглаад,  далжиганаад ч байгаа юм шиг.

Зүв зүгээр мөрөө хөөгөөд явж байгаа хүнийг хараад сууж чаддагүй юм. Эрч хүчтэй амьдрах хэрэгтэй…. Олон наслахгүй ч гэсэн  олон юмыг оролдож, олон хүнийг хайрлаж байх хэрэгтэй. Хүн энэ хорвоод хайраар л дутдаг байж магад гэж бодоод би тэгдэг юм.

Сүүлд харамсаж сууснаас хийе гэснээ хийчихээд, хэлье гэснээ хэлчихээд дараа нь харамсахгүй байх амар. Машинд мөргүүлсэн толгой өвдөөд, 1 жилйн өмнө хугалсан хөл өвдөөд ойрдоо хэрэг алгаа. олон ч ясны гэмтэлтэй л дээ. Тэнгэр муухайрхаар бие тэр чигтээ барометр болоод байна. Фитнест явдаг ч юм бил үү. Ядаж гүзээгээ хасъя. Хэтэрхий их хүний өдөр тутмын амьдралд байнга тааралдаад байх нь төвөг учруулдаг байж ч мэднэ.      
                    Олон юманд бас санаа зовоод яваад байхаар нервтэж стресддэг ч гэсэн ийм байх дэмий ч юм шиг . Гэхдээ л би энэ байгаа амьдралдаа, өөртөө байгаа бүх юмандаа хайртай шүү.  Зугтаахгүй, алга болохгүй, дайчин давшингуй, хэзээ ч зогсдоггүй, хэлсэндээ хүрдэг чадвараа улам өнгөлж зүлгэнээ. Хийх ажил өмнө минь зурайж байна: Тээр цаана маш том гэрэл байна. Мөрөөдлийн хань минь намайг хаа нэгтээ хүлэээж байгаа. Тийм болохоор хувь заяа миний гарт байна. Би яасан ч зогcохгүй бас гацахгүй үүнийг би өөртөө амаллаа.  Тэгж байгаад өөрийгөө нэг шагнанаа. Яадийн тээ.