бичлэгСоёмбо гээд сайхан реклам гарчээ. Жүжигчин Амараа гээд залуу тун чиг сэтгэлд хүрэхээр ч аятайхан тоглож. Явж явж нөгөө сайхан Соёмбо маань архи болж хувирах юм. Сүнжин гранд дээр болсон ажиллагаанд нь ихэс дээдсүүд маань сэгсийтлээ уугаад ам уралдаж ирээд л магтах юм. "Францад хайрцагийг нь хийж авчирсан... дээдсийн тансаг сархад байна..Би ийм юм уух хувьтай хүн юмаа.." гэж ирээд л жижигрээд л доошоо ороод л юм үзээгүйгээ гайхуулцгаана.
Гурилын үнэ яагаад нэмэгдээд байгааг мэдэж л байгаа байх. Эх орныхоо агуу нутаг дэвсгэрийн /1тэрбум 5 сая га газар нутаг дэвсгэртэй гэж байгаа/1.2% хувьд нь ч тариалан эрхэлж чаддагүй байж арайхийж тарьсан буудайг чинь манайдаа үндэсний үйлдвэрлэгч гээд байгаа архины том том луугарууд архиа нэрэхээр авдаг юм. Энэ ч дам шууд бус байдлаар нөлөөлж байгаа байх гэж үздэг би.
Урагшаа гүйх байтал хойшоогоо алхаад байдаг. Үүнийгээ "тогтвортой" хөгжил гэж ярих дуртай нөхөд их байна цаана чинь. Сонгино Хайрхан дүүргийн 10 жилийн 2 сурагч ДОХ авч гэнэ. Нөгөө "Хүүхэд хамгаалал хөгжил" хөтөлбөр яалаа? гэж асуумаар л байна. Ингэхэд би хаана байнаа. Эх орондоо юу эсвэл 2-р дайны дараахь Европд байна уу ? /Обод 2007.11.29/
