Залуухан эр үерхээд удаагүй байгаа хайртай бүсгүйдээ төрсөн өдрөөр нь бэлэг авч өгөхөөр шийджээ. Юу авч өгөхөө удаан бодож эрэгцүүлсний эцэст БЭЭЛИЙ авч өгөх нь хамгийн тохиромжтой гэж боджээ. Учир нь энэ бас ч үгүй романтик боловч хэтэрхий дотноссон хүний бэлэг биш юм. Тэгээд хайртай бүсгүйнхээ дүүтэй хамт их дэлгүүрт хос цагаан бээлий худалдан авчээ. Харин найз бүсгүйнх нь дүү өөртөө ТУРСИК авчээ. Авсан зүйлсийг нь боож байхдаа худалдагч будилж турсикийг нь залууд, бээлийг нь бүсгүйн дүүд өгчээ. Мань залуу тэрхүү бэлгээ доорхи үгсийг бичсэн цэцэгтэй ил захидлын хамт болзоот бүсгүйдээ хүргүүлжээ.
Захидалдаа бичихдээ:
Бид хамтдаа орой гадуур зугаалахад чи минь миний энэ бяцхан бэлгэнд байгаа зүйлийг огт өмсдөггүйг чинь анзаарсан учраас би үүнийг сонгохоор шийдсэн юм. Хэрэв би дүүтэй чинь хамт явж байгаагүй бол арай уртыг авах байлаа, харин дүү чинь тайлахад амархан богинохоныг өмсдөг юм билээ, тэгээд надад өөрийнх шигийг авахыг зөвлөсөн юм. Нэлээд тансаг гялалзсан өнгөтэй учрас амархан элэгдэх болов уу гэтэл надад үүнийг зарсан худалдагч эмэгтэй өөрийнхөө өмсөж байгааг үзүүлсэн юм. Тэр өөрөө бараг 3 сар солилгүй өмссөн гэсэн, гэхдээ бараг хуучраагүй байсан. Тэгэхээр нь би түүнд чамд авсныгаа өмсүүлсэн чинь хөөрхөн харагдаж байна лээ. Мэдээж би чамтай уулзаж амжихаас өмнө зөндөө олон хүний гар үүнд хүрэх тул би өөрөө очиж өөрийнхөө гараар чамд анх удаа өмсгөж өгөхийг ямар их хүссэн гээч.
Ер нь өмсөхөд аяндаа их бохирддог болохоор тайлахдаа дотор тал руу нь үлээж байгаарай. Энэ жил чи үүнийг надтай уулзах болгондоо өмсөнө гэхэд надад сайхан санагдаж байна. Энэ бэлгэнд байгаа шиг юмыг би хэрэглэхээ болиод удаж байгаа л даа. Энд тэнд явж байхдаа тайлаад мартчихаад байдаг юм. Яарч сандарсан үед бол тайлахад бүр хэцүү байдаг юм. Бас амархан урагдчихаад байдаг юм. Тэгээд хамгийн сүүлд авсныгаа би 2,3 хоног өмсөөд тайлаад цааш нь хийчихсэн. Хэрвээ чи минь миний үнэрийг санаад байвал би чамд тэрийгээ өгч болно шүү. Чи дэрэн доороо хийгээд унтаж байхгүй юу. Хайрт чинь.”