Юм бичээгүй их удаж дээ. Би бичихгүй, сэтгэхгүй байж ерөөсөө тэвчихгүй юм. Судалгаа, шинжилгээ гэсээр байгаад амьдарлаас тасарч, төсөөрч ч байх шиг. Хуучин ажиллаж байсан байгууллагадаа эргэж орох талаар нэг бодож үзэв. Ганцаараа амьдрах нэг бодлын зүгээр юм шиг. Дотор хүн их хөгжиж, өөртэйгээ ярьж сурав. Хором ч завгүй ажиллаж, хөдөлмөрлөж, бодож, гүйж харайж, суниасаар .... шинэ чанарыг өөртөө өнгө зүлгэн оруулах хүний өөрийн төлөвшлөөс ихээхэн хамааралтай юм байна. Ээждээ баярлалаа гэдгээ хэлээгүй явсаар ....
Айхтар их мөнгө төгрөг үрээд байгаа хэрнээ үр дүнтэй зарцуулсан нь цөөхөн байх юм. Нэг сайхан костюм авч өмсье байз. Хүнийг хувцсаар нь үдэж ухаанаар үддэг гэдэг юутай үнэн. Жирийн нэгнээс илүү байхын тулд ядаж л эхний удаад ухаанаар биш хувцсаараа илүү харагдах хэрэгтэй гэж найз маань хэлсэн үг орой руу ороод сууж байна даа. Би л өөрийгөө хайрлаж, өөрийгөө шагнаж, өөрийгөө дажгүй харагдуулж байгүй юм бол хорвоогийн “ялгаварлалт” гэдэг хатуу хууль үйлчилдэг гэдгийг биеэрээ мэдрээд сууж байна даа. Заримдаа баг өмсөх, гял цал байх хэрэгтэй юм байна. Уг нь би ийм зүйлд хамгийн дургүй боловч “толь” хүмүүсийн дунд ингэж байхаас өөр аргагүй юм байна... хүрээлэл ихсэх тусам... Яагаад хүмүүс нэгнээ нэг хоёр гурав гээд дугаарладаг юм бол яагаад хүмүүс нэгнээ нэгэндээ өс хонзон өвөрлөж өчнөөн жил явдаг юм бол. Хариулт тодорхойгүй...
Үхсэн нохойг бүү зод гэдэг дээ бодит баримттай бус эх сурвалжийг дурдсанаас болж шүүхэд дуудагдахаа тулав. Хүний өмнөөс хариуцлага хүлээнэ гэдэг аймшигтай нэг л юмыг ойлгов... Чи өөрөө л судлаагүй бол хүний батлагдаагүй нотлогдоогүй мэдээллийг судалгааны ажилдаа хэзээ ч бүү ашигла, бүү дурд.. өөрийн хийсэн зүйлийг өөрөө хамгаалах шиг бахархал үгүй гэж. Ойрын хугацаанд энэ асуудлыг шийднээ.
Миний хувь хүн чанд хатуу байсан бол хоёр гуравхан жилд ихээхэн нялцгай болсон байх юм. Цэргийн хүн байх нь надад амар, энгийн байсан юм шигээ. Шийдвэр гаргаж чадахгүй эргэлзэж тээнэгэлзэх, хэн нэгэнтэй хов живийн чанартай үг солих, айж эмээх, байсан газраа зогсох гэх мэт хачин хачин чанарууд шинээр илэрчсэн ч байх шиг. Магад үүнээс болооод өнөөг хүртэл найз бүсгүйгүй явсаар байж мэдэх ... Хэзээ ч битгий зогс. Харамсахгүйн тулд.. хэзээ ч битгий бууж өг ... залуу хүн учраас гэсэн бодол сүүлийн үед салахаа байв. Өөрийнхөө тухай биччихлээ дээ. Дараагийн удаад хилийн явсан сайхан бичлэг зурагтай нь оруулнаа. Отряд, Застав, харуул... залуу нас бодогдоод сайхан байнаа /нэхх хөгширчөхсөн юм шиг бурав/ Админаа зураг хийх талаар нэг харж үзээч .. миний зай хүрэхгүй гээд байна.
Обдоо
Хилийн застав сайхан шүү, цэрэг байсан аавыгаа дагаад застав дээр өнгөрүүлсэн тэр зун санаанаас гардаггүй юм. Улз голын шумууланд бариулан бариулан дэрсэн дунд нь тоглож гүйх сайхан байдаг байж билээ. Цэрэг байна уу дарга байна уу хүний мөн чанар л чухал гэж бодож байна.
Хувцас бурхан бие чөтгөр гэдэг үнэн шүү, хүний нүд гялбам сайханд дурладаг зан байгалаас заяасан чанар гэж антропологчид тайлбарладаг юм. Тийм болхоор хүн хүнээ хувцасаар нь угтаж байгаа нь байгалаас заяасан төрөлхийн зөн билэг, ухаанаар нь үдэж байгаа нь ухамсарт хүмүүнлэг нийгэмийн зөн билэг гэж би дотроо боддог, гкк